कच्या पपईची चटणी

तोंडीलावणी या मालिकेतली चौथी चटणी

साहित्य

कच्ची पपई अर्धी (साधारण दोन वाटी कीस होईल)
दोन चमचे कच्चे तीळ
दोन चमचे भरून कच्चे (न भाजलेले) दाणे
दोन चमचे सुख्या खोबऱ्याचा कीस
चवीनुसार मीठ, लिंबू, साखर
कोथिंबीर व फोडणीसाठी तेल
तीन ते चार मिरच्या

कृती

प्रथम पपईचे साल व बीया काढून पपईचा कीस बारीक कीसणीने करून घ्यायचा.
कढईत दोन ते तीन चमचे तेल घ्या. या चटणीला नेहमी पेक्षा जास्त तेल लागते. त्यामुळे लागेल तसे तेल घालायचे.
तेल गरम झाल्यावर मोहरी, जीरे, हिंग, हळद घालून फोडणी करा. आता या फोडणीत पपईचा कीस व मिरच्यांचे तुकडे घालायचे व एकच वाफ आणायची. कीस बोटाने दाबला तर मऊ लागला पाहिजे. इतपत वाफ बास.
आता खलबत्ता अथवा मिक्सर मधे तीळ व दाणे भरड स्वरूपात वाटायचे.
वाफ आणलेल्या पपई मधे तीळ, दाणे, खोबरे, घालायचे. आणी भांड्यावर झाकण न ठेवता मिश्रण ५ ते ६ मिनींटे मंद आचेवर परतत रहायचे. आपण तीळ, खोबरे, दाणे कच्चेच घेतले आहेत हे लक्षात ठेवून परतायचे. म्हणजे कुरकुरीत होईपर्यंत परतत रहायचे.
मिश्रणाचा रंग बदलला की साखर व मीठ घालायची व परत एकदा दोन मिनीटे चटणी परतायची .
चटणी बाऊल मधे काढून त्यावर भरपूर लिंबाचा रस पिळायचा. कोथिंबीर घालायची व सगळे मिश्रण एकजीव करून घ्यायचे.

मस्त आगळावेगळा चटणीचा प्रकार तयार !
तुम्ही फुलका,थेपला, दशमी, भाकरी, ब्रेड, सर्वांबरोबर ही चटणी खाऊ शकता.
मला माझी वहिनी ( रागीणी थत्ते ) हिने ही वेगळी चटणी शिकविली . 👍👍👍
करून पहा व प्रतिक्रिया कळवा 🙏