जरा नेहमीपेक्षा वेगळ्या चवीची चटणी आहे ही. चवीला फारच मस्त लागते. भाजणीच्या वड्या बरोबर, मिश्रडाळीचे वडे, धिरडी या सोबत ही पातळ ओव्याची चटणी एकदम सही 😋👏👍
साहित्य व कृती पाहूयात.

साहित्य

• ओव्याची दहा ते बारा पाने स्वच्छ धुवून घ्यायची
• ओला नारळ खोवलेला १/२ वाटी
• तीन हिरव्या मिरच्या ( तुम्हाला चटणी जास्त तिखट हवी असल्यास मिरचीचे प्रमाण वाढवा )
• तीन ते चार काळीमीरीचे दाणे ( कूटून घ्यायचे )
• दोन चमचे साजूक तूप
• मोठी वाटी भरून जरा आंबट ताक
• पाच कढीलिंबाची पाने
• दोन वाळलेल्या लाल मिरच्या
• जिरे

कृती

1. ओव्याची पाने हातानेच मोडून घ्यायची. पॅन मधे एक चमचा तूप गरम करा. त्यात जीरे, काळीमिरी, मिरच्यांचे तुकडे परतून घ्यायचे. आता ओव्याची पाने त्यात घालून परत दोन मिनींटे परतून घ्या.
2. मिक्सर मधे ओला नारळ, वरील परतलेले मिश्रण, चवीनुसार मीठ, आंबट ताक घालून चटणी बारीक वाटून घ्यायची.
3. चटणी पातळ पाहिजे. म्हणून उरलेले ताक घालून चटणी सरसरीत करायची.
4. चटणीला तूपाची जीरे, लालमिरची, कढिलींबाची पाने घालून खमंग फोडणी वरून द्यायची.

मस्त चटणी तयार. पाहतायना करून 👍
जर ओव्याची पाने फारच कोवळी असतील तर चटणी करताना पानांची संख्या वाढवा.